Balalar taýarlary qaýymdastyǵy depýtat Balıevanyń synyna jaýap berdi
ASTANA. QazAqparat - Búgin Astanada ótken «Bala men kásipkerlik» taqyrybyndaǵy «dóńgelek ústel» kezinde beınebaılanys arqyly sóz sóılegen Balalar taýarlary qaýymdastyǵynyń jetekshisi Darıa Gaıdenraıx depýtat Balıevanyń synyna jaýap berdi. Alaıda ol kezde xalyq qalaýlysy asyǵyp, basqa sharaǵa ketip qalǵan, dep xabarlaıdy QazAqparat tilshisi.
«Árıne, Zaǵıpa ıAxıaqyzynyń ketip qalǵany ókinishti-aq. Sebebi jańa ǵana ol Qazaqstandaǵy oıynshyqtardyń sapasy tómen, elimizdiń kúl-qoqys jáshigine aınalǵany týraly qatty aıtty. Men ondaı pikirmen kelsipeımin. Iá, oıynshyqtardy zańsyz ákelip satý faktileri bar. Ony eshkim joqqa shyǵaryp otyrǵan joq. Budan bólek, bizde 50 sharshy metrden az saýda oryndaryn tekserýge ruqsat joq. Alaıda dál sol jerde zańsyz taýarlardy satý jumysy júrgiziledi. Bálkim, depýtat osyndaı oıynshyqtar jaıynda aıtqan shyǵar. Degenmen, resmı dúkenderde balalar oıynshyqtarynyń qaýipsizdigine erekshe kóńil bólinedi. Ondaı saýda oryndary bar bizde. Olarǵa kir keltirýge bolmaıdy», - dep atap kórsetti D.Gaıdenraıx.
Aıta keteıik, otyrystyń basynda Balalar quqyqtaryn qorǵaý jónindegi ýákil Zaǵıpa Balıeva: «Qazaqstan oıynshyqtardyń kúl-qoqys jáshigine aınaldy», - dep málimdedi.
Balıeva óz qyzmetine shyndap kirisken tárizdi. Depýtat balalardy óz quqyqtaryn bilýge, paıdaly jáne zııandy tamaqty ajyratýǵa, tipti Coca-Cola-ny ishpeýge úıretpekshi. «Sonymen, barlyǵymyz birlesip jumys isteıtin bolamyz. Endi, men elimizdegi balalardyń ekinshi anasy bolamyn. Birden aıtaıyn, meniń minezim bar. Eshkimge tynyshtyq bermeımin», - dep atap kórsetti Z.Balıeva.
