Balalar tamaqtan ushynǵan balabaqshanyń birneshe qyzmetkeri jumystan shettetildi

PAVLODAR. KAZINFORM - Sanıtarlyq dárigerler «Baldáýren» bóbekter baqshasynda sanıtarlyq normalardyń buzylǵanyn anyqtaǵan. Azyq ónimderin saqtaýǵa, kesý quraldaryn tańbalaýǵa, sondaı-aq dezınfektsııalyq rejımge qatysty kemshilikter tirkelgen.

Pavlodar oblysy Sharbaqty aýdanyndaǵy «Baldáýren» bóbekter baqshasynda tamaqtan ushynǵan bir top balaǵa aldyn ala qoıylǵan dıagnozdar rastalmaǵan.

- Balalarǵa aldyn ala qoıylǵan «Anyqtalmaǵan gastroenterıt pen ınfektsııalyq kolıt jáne basqalary» dıagnozdary rastalmady. Olarǵa «As qorytýdyń anyqtalmaǵan fýnktsıonaldy buzylýy» jáne «Rotavırýstyq enterıt» dıagnozdary qoıyldy, - dep habarlady óńirlik sanıtarlyq-epıdemıologııalyq baqylaý departamenti basshysynyń orynbasary Zámzagúl Dosjanova. 

Sanıtarlyq qyzmet mamandary atalǵan balabaqshada keıbir sanıtarlyq normalardyń durys saqtalmaıtynyn anyqtaǵan. Atap aıtqanda, azyq-túlikti saqtaý, kesý quraldaryn tańbalaý, dezınfektsııalyq rejımge qatysty kemshilikter tirkelgen.

- Medıtsınalyq tekserýden ýaqtyly ótpegen qyzmetkerler bar ekeni belgili boldy. Olar jumystan ýaqytsha shettetildi. Tekserý sharalary áli aıaqtalǵan joq, - dep qosty basqarma ókili.

Eske sala keteıik Pavlodarda bir top búldirshin balabaqshada ushyndy. Úsh bala Pavlodar oblystyq juqpaly aýrýlar aýrýhanasyna jatqyzylsa, taǵy tórteýi úı jaǵdaıynda baqylaýda bolǵan.