Útikpen kúıdirgen: qostanaılyq tárbıeshige sot úkimi shyqty

QOSTANAI. KAZINFORM —  Qostanaı oblysyndaǵy áleýmettik arnaıy qyzmetter kórsetetin balalar ortalyǵynyń tárbıeshisine balaǵa zábir kórsetkeni úshin sot úkimi shyqty. Bul týraly oblystyń kámeletke tolmaǵandar isteri jónindegi mamandandyrylǵan aýdanaralyq sotynda habarlady.

Oqıǵa bıyl 14 naýryzda bolǵan. Áıel balaǵa dene jaraqatyn salǵan.

Sot otyrysynda aıyptalýshy óz kinásin moıyndap, tolyqtaı ókinish bildirdi. Sot onyń shyn ókingenin jáne kámeletke tolmaǵan balasy baryn jeńildetetin mán-jaı retinde esepke aldy.

— Budan bólek, az jáne ortasha aýyrlyqtaǵy qylmys jasaǵany úshin sottalǵan adam qylmystan keltirilgen múliktik zalaldy óz erkimen ótegen, moraldyq jáne ózge de zııandy joıǵan jaǵdaıda bas bostandyǵynan aıyrý jazasy taǵaıyndalmaıdy. Aıyptalýshynyń áreketi qylmystyq teris qylyqtar men kishigirim aýyr qylmystar sanatyna jatady, — dep atap ótti sotta.

Sot áıeldi kámeletke tolmaǵandy tárbıeleý jónindegi mindetterin oryndamady jáne dármensiz kúıdegi kámeletke tolmaǵanǵa ádeıi jeńil dene jaraqatyn keltirdi dep tanydy.

Oǵan alty aı merzimge bas bostandyǵyn shekteý jazasy taǵaıyndaldy, sondaı-aq 3 jylǵa pedagogıkalyq jáne kámeletke tolmaǵandarmen jumysqa baılanysty laýazymdardy atqarý quqyǵynan aıyryldy. Ol probatsııalyq baqylaýǵa alynyp, jaza merzimi boıy májbúrli eńbekke tartylatyn boldy.

Úkim zańdy kúshine endi.

Aıta ketelik Qostanaıdaǵy arnaıy ortalyqta 16 jastaǵy qyzdy útikpen kúıdirgeni týraly jazǵan edik.