Balalar onkologııasy men gemotologııasy qyzmetin jetildirýdiń jol kartasy bekitildi
Jol kartasy onkologııalyq jáne gemotologııalyq aýrýlarmen syrqattanǵan balalarǵa kórsetiletin medıtsınalyq kómek sapasyn arttyrýǵa negizdelgen birqatar is-sharalardy qarastyrady.
Jol kartasy aıasynda zańnamalyq jáne normatıvtik-quqyqtyq bazany jetildirý, dıagnostıkalaý men emdeý sapasyn arttyrý maqsatynda medıtsınalyq uıymdardyń materıaldyq-tehnıkalyq bazasyn jaqsartý, gemopoetıkalyq baǵanalyq jasýshany transplanttaýdy damytý, kadrlyq áleýet deńgeıin arttyrý josparlanǵan.
Sonymen qatar, onkologııalyq aýrýlardy erte anyqtaý, qaterli isik aýrýlaryn emdeý men ońaltýdyń zamanaýı tehnologııalary boıynsha turǵyndardyń habardarlyǵy men saýattylyǵyn arttyrý sharalary qarastyrylǵan.
«Jol kartasyn iske asyrý isiktiń birqatar túrleri boıynsha onkologııalyq aýrýlarmen syrqattanǵan balalardyń tiri qalý múmkindigin 80-90%-ǵa ulǵaıtýǵa, qaterli isikti I-II kezeńde dıagnostıkalaýdy 50-60%-ǵa arttyrýǵa, medıtsınalyq-áleýmettik beıimdeý men ońaltýdy, qaterli isikpen syrqattanǵan balalardyń ómir súrý sapasyn jaqsartýǵa múmkindik beredi», - deıdi QR Densaýlyq saqtaý mınıstrligi Medıtsınalyq kómekti uıymdastyrý departamenti dırektorynyń orynbasary Elmıra Ahmetova.
Esterińizge sala keteıik, ústimizdegi jyldyń 1 aqpanynda QR Densaýlyq saqtaý mınıstrliginiń bastamasymen balalar onkologııasy men gematologııasy suraqtary boıynsha atalǵan saladaǵy máselelerdi talqylaý men onyń sheshý joldarynyń ortaq is-áreketter josparyn ázirleý maqsatynda balalardyń ata-analary jáne ÚEU belsendilerimen kezdesý ótken bolatyn.