«Balalar namazyna» segiz myń jetkinshek qatysty
ASTANA. 8 qazan. QazAqparat - Ystambul shaharyndaǵy Fetıh sultan atyndaǵy meshitte 3 jastan 18 jasqa deıingi 8 myńdaı jetkinshek namaz oqydy. Bul týraly muslim kz. habarlady.
«Meniń jeti jastamyn, men namaz oqımyn» degen uranmen ótken aıtýly sharaǵa Túrkııanyń dinı qyzmet kórsetý qaýymdastyǵy muryndyq bolǵan bolatyn. Jamaǵat bolyp namazǵa jyǵylǵan jas búldirshinderge uıymdastyrýshylar taqııa, qol oramal, duǵa kitapshalary salynǵan sómkesheler úlestirildi.
Ystambul aýdanynyń ákimi Mustafa Demırdiń sózine qaraǵanda, mundaı sharalar balany týra jolǵa salyp, uıymshyldyǵyn arttyrady. «Bala - áli óńdelmegen almas sekildi. Bizdiń maqsat - olardy ıman nurymen sýsyndatyp, kún sáýlesine shaǵylysatyn almastaı etip shyǵarý. Buǵan Allanyń sózinen artyq qandaı tárbıe quraly kerek»,- dedi ol óz sózinde.
