Balalar mingen qaıyq elektr jelisine soǵylyp, úsheýi qaza tapty
ASTANA. QazAqparat - AQSh-taǵy Tehas shtatynda skaýt qozǵalysynyń úsh múshesi mingen jelkendi qaıyq elektr jelisine soǵyldy.
Qaıyqtaǵy úsh bala ajal qushty, dep habarlaıdy Chicago Tribune basylymy.
Eki jasóspirim sol jerde qaza tapty. Taǵy biri shuǵyl jaǵalaýǵa jetkizilip, aýrýhanaǵa jatqyzyldy. Biraq dárigerler 11 jasar balanyń ómirin ajaldan arashalap qala almady.
Elektr jelisiniń nelikten sýǵa jaqyn ornalasqandyǵy túsiniksiz bolyp otyr. Tehas polıtsııasy tergeý jumystaryn júrgizýde.
