Balalar men jasóspirimder teatrynyń gastroldik sapary Sh.Aıtmatovtyń shyǵarmasyn sahnalaýmen aıaqtalady
ASTANA. 14 qazan. QazAqparat - Búgin Ǵ.Músirepov atyndaǵy Qazaq Memlekettik Akademııalyq balalar men jasóspirimder teatrynyń elordadaǵy gastroldik sapary Sh.Aıtmatovtyń «Teńiz jaǵalaı júgirgen tarǵyl tóbet» spektaklimen aıaqtalady.
Oǵan QR Mádenıet mınıstri Muhtar Qul-Muhammed qatysady dep kútilýde.
Esterińizge sala keteıik, 10 qazanda Qazaqstan Táýelsizdiginiń 20 jyldyǵyn merekeleý aıasynda Almatydaǵy Ǵ.Músirepov atyndaǵy Qazaq Memlekettik Akademııalyq balalar men jasóspirimder teatry Astana qalasynda K.Baıseıitova atyndaǵy Ulttyq opera jáne balet teatrynda gastroldik kúnderin bastaǵan edi.
5 kún boıy almatylyq ártister kórermender nazaryna 6 sahnalyq qoıylymyn usyndy. Olardyń beseýi - eresekterge arnalǵan pesalar.
