Balalar mektepke oralýy úshin muǵalimder vaktsına alýy kerek –Kólginov
NUR-SULTAN. QazAqparat – Nur-Sultan qalasynyń ákimi Altaı Kólginov jańa oqý jylynda balalar mektepke orala ma degen suraqqa jaýap berdi, dep habarlaıdy QazAqparat tilshisi.
«Balalardyń mektepti saǵynǵanyn bilemiz. Ne degenmen, onlaın oqytý klassıkalyq oqý protsesinen erekshelenedi. Memleket basshysynyń tapsyrmasyna sáıkes, biz osyǵan daıyndalyp jatyrmyz. Birinshiden, bul úshin barlyq oqytýshylar quramy vaktsına alýy kerek. Qazir pedagogtardyń 60%-dan astamy vaktsına salǵyzdy, bul jumys belsendi túrde jalǵasýda. Árıne, biz dárigerlermen keńesip, jastarǵa vaktsına egýdi talqylap jatyrmyz. Ázirge bizde 18+ talaby bar. Biraq, eń aldymen, muǵalimderdi vaktsınalaý kerek. Qazir jańa oqý jylyna daıyndalyp jatyrmyz», - dedi A. Kólginov Ortalyq kommýnıkatsııalar qyzmetinde ótken baspasóz máslıhatynda.
Sonymen birge, ákim medıtsınalyq qarsy kórsetilimderi bar muǵalimder vaktsınalaýdan bosatylatynyn eske saldy.
