Balalar lagerindegi órt: Qaraǵandylyq qutqarýshylar Prezıdent Jarlyǵymen marapattaldy
NUR-SULTAN. QazAqparat – Іshki ister mınıstrliginde QR Konstıtýtsııasy kúnine arnalǵan saltanatty shara ótti, dep habarlaıdy QazAqparat tilshisi.
«Aǵymdaǵy jyly ishki ister organdaryn jańǵyrtý jónindegi 2019-2021 jyldarǵa arnalǵan jol kartasy boıynsha josparlanǵan birqatar mańyzdy is-sharany iske asyrýǵa kiristik. Ata zańnyń jáne Memleket basshysy júrgizip otyrǵan saıasattyń talaptaryna sáıkes, eldegi qylmysqa qarsy kúreste ІІM-niń barlyq qyzmetteri men bólimsheleriniń jumysyn joǵary deńgeıde, jańa formatta uıymdastyryp, qoǵamdyq qaýipsizdikti qamtamasyz etýimiz qajet. Osyǵan baılanysty bizdiń vedomstvo azamattyq qoǵammen, úkimettik emes uıymdarmen jáne buqaralyq aqparat quraldarymen tyǵyz qarym-qatynas ornatyp, belsendi jumystar júrgizýde», - dedi sharada sóz alǵan QR Іshki ister mınıstri Erlan Turǵymbaev.
Sharada óz mindetterin adal atqarǵan ishki ister organdarynyń birqatar qyzmetkerine QR Konstıtýtsııa kúnine oraı memlekettik jáne vedomstvolyq nagradalar tapsyryldy.
Atap aıtsaq, QR Prezıdentiniń arnaıy Jarlyǵymen qyzmettik boryshyn oryndaý kezinde kórsetken erligi men qaısarlyǵy úshin Qaraǵandy oblysy TJD Órt sóndirý jáne apattyq-qutqarý jumystary qyzmetiniń bólim komandırleri Dáýlet Alshymbekov, Talǵat Medeýbaev, jedel kezekshi kómekshisi Darhan Raıymbekov jáne Qaraǵandy oblystyq órt sóndirý bólimi bastyǵynyń mindetin atqarýshy Berik Rahymjanov «Erligi úshin» medalimen nagrattaldy.
Memlekettik marapat ıeleri Jalańtas aýyly men «Jas Qanat» balalar lageri janyndaǵy órtti sóndirý kezinde kózge túsken. Olardyń jiti áreketteriń arqasynda júzdegen adam órtten qutqarylyp, egin alqaptary men eldi mekender tilsiz jaýdan meılinshe az zardap shekken bolatyn.
Sondaı-aq, mınıstr Erlan Turǵymbaevtyń buıryǵymen qyzmettik mindetterin úlgili oryndap, jumysynda joǵary nátıjelerge qol jetkizgeni úshin ishki ister organdary men Ulttyq ulannyń birqatar qyzmetkerleri marapattaldy.
