Balalar kórkem gımnastıkaǵa 5 jastan, boksqa 12 jastan qabyldanady - jańa norma

NUR-SULTAN. QazAqparat – Elimizde balalardyń sporttyq jattyǵýǵa jiberiletin eń tómengi jasy bekitiledi. Bul týraly QR Mádenıet jáne sport mınıstri Dáýren Abaev aıtty, dep habarlaıdy QazAqparat tilshisi.

«Sport túrine baılanysty balalardyń jattyǵýǵa jiberiletin eń tómengi jasy bekitiledi. Bul jerde biz qoldanystaǵy normatıvtik-quqyqtyq bazaǵa súıenemiz. Onyń ishinde, «Sporttyq rezervti daıyndaý boıynsha oqý-jattyǵý protsesi júzege asyrylatyn dene shynyqtyrý-sporttyq mekemelerde sport túrleri boıynsha sportshylardyń jasyn bekitý týraly» buıryqty negizge alamyz», - dedi Dáýren Abaev Ortalyq kommýnıkatsııalar qyzmetindegi baspasóz máslıhatynda.

Mınıstrdiń dereginshe, kórkem gımnastıkaǵa 5 jastan, al boksqa 12 jastan bastap barýǵa bolady.

«Árıne, mundaǵy basty maqsatymyz – balalardyń densaýlyǵyn qorǵaý», - dedi ol.