Balalar kolonııasynyń tárbıelenýshileri jaqyndarymen Skýpe arqyly sóılesip turmaq
Almaty qalasynyń prokýrorlary Qylmystyq atqarý júıesi departamentimen birige otyryp, LA-155/6 balalar kolonııasyn aralap, túıtkildi máselelerdi anyqtap kórdi.
Olardyń biri - shalǵaı óńirlerden túsken balalardyń materıaldyq qıynshylyqtar men úlken qashyqtyqqa baılanysty týǵandarymen kezdesýi qıynǵa túsýde.
Bul mekemede Qazaqstannyń túkpir-túkpirinen tártibi qıyn jasóspirimder tárbıelenip jatyr.
Prokýrorlardyń tapsyrmasymen endi kolonııa tárbıelenýshileri jaqyndarymen vıdeokezdesý arqyly sóılesip turatyn boldy.
Alaıda, barlyq otbasynda kompıýter joq. Ondaı otbasylar turǵylyqty jerge jaqyn Qazposhta bólimine baryp sóılese alady.
«Bul jumys qamaýdaǵy kámeletke tolmaǵan jasóspirimderdi qoǵamda quqyqtyq tártipti saqtaýǵa, otbasylyq qundylyqtardy dáripteýge baǵyttalǵan», - dedi prokýratýradan.