Balalar qaýipsizdigi: qurylys kompanııalary páter terezelerine arnaıy tor ornatýǵa mindetteldi

Qurylys kompanııalary turǵyn úılerdiń terezelerine arnaıy qorǵanys mehanızmderin ornatýǵa mindetti bolady. Bul týraly Májilis depýtaty Ashat Aımaǵambetov málim etti, dep habarlaıdy Kazinform. 

Atap aıtqanda, búgin Májiliste bilim berýge qatysty qabyldanǵan zańda kishkentaı balalardyń turǵyn úı terezelerinen qulaýyna jol bermeý tetikteri qamtylǵan. https://kaz.inform.kz/news/sabak-ustnde-telefon-karauga-shekteu-engzld-deputattar-zandi-kabildadi-5ec15c/

Bul turǵyda zańda aıasynda qurylys kompanııalary terezelerdi arnaıy qaýipsizdik mehanızmderimen nemese qulyptarmen qamtamasyz etýge mindetteldi.

«Bilim berý uıymdarynda bul jumys iske asyrylyp jatyr. Qazir osy problema turǵyn úılerdegi qaýipsizdikke qatysty. Sondyqtan balalardyń kópqabatty úılerdiń terezesinen qulap jatyr, mundaı qaıǵyly oqıǵalar jıilep ketti. Biz zań shyǵarýshy bılik bolǵannan keıin, tıisti normalardy engizdik. Osy norma boıynsha qurylys salatyndar turǵyn úılerdiń terezelerin arnaıy qorǵanys tetikterimen qamtamasyz etýi tıis. ıAǵnı turǵyn úı salynǵan kezde osy talaptar nazarǵa alynady», - dedi depýtat Májiliste tilshiler suraǵyna jaýap bere otyryp.