Balalar Evrovıdenıesiniń kórsetilimi «Habar 24» arnasyna aýystyryldy
ASTANA. QazAqparat - Tehnıkalyq sebepterge baılanysty «Balalar Evrovıdenıesiniń» tikeleı kórsetilimi respýblıkalyq «Habar 24» arnasyna almastyryldy, dep habarlaıdy QazAqparat 24.kz-ke silteme jasap.
25 qarasha kúni, 21:00-de Junior Eurovision 2018 Halyqaralyq balalar baıqaýynyń fınaly bastalady.
«Tehnıkalyq sebepterge baılanysty «Balalar Evrovıdenıesiniń» tikeleı efırdegi kórsetilimi respýblıkalyq «Habar 24» telearnasyna aýystyryldy. Qazaq eli bul óner saıysyna tuńǵysh ret qatysyp otyr. Baıqaýda elimizdiń namysyn Danelııa Tóleshova qorǵaýda. Ol Ulttyq irikteý konkýrsynyń jeńimpazy», - delingen habarlamada.
Buryn qazaqstandyqtar Danelııa Tóleshovaǵa qalaı daýys bere alatyny habarlanǵan edi.
