Balalar eńbegin paıdalanýǵa shekteý qoıdyq - Serik Ábdenov
ASTANA. 11 aqpan. QazAqparat - Balalar eńbegin paıdalanýǵa shekteý qoıyldy. Bul týraly búgin Astanada QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Eńbek jáne halyqty áleýmettik qorǵaý mınıstri Serik Ábdenov málim etti.
«Balalar eńbegi máselesi jóninde biz Halyqaralyq eńbek uıymymen 10 jyldan astam ýaqyt jumys istep jatyrmyz. Shúkir dep aıtýǵa bolady, bizdiń jalpy naryqta bala eńbegi aıtarlyqtaı paıdalanylyp júrgen joq. Árıne, keı jaǵdaılar kezdesip jatady. Máselen, saýda oryndarynda ata-anasynyń janynda balalar erip júretin oqıǵalar bolady. Biraq, tekseris ótkizgen kezde ata-analary «bala úıde jalǵyz otyra almaıdy, sondyqtan janymda júr» degen jaýap qaıtaryp jatady. Al burynyraq janar-jaǵarmaı quıý stansalarynda jáne basqa da jerlerde bala eńbegi kóp paıdalanylatyn. Biraq ta eńbek ınspektsııasy tarapynan júrgizilgen tıisti jumystyń arqasynda eńbektiń osyndaı túrine shekteý qoıdyq»-dep túıdi mınıstr.
