Balalar elimizdiń bas ustazyna hat joldaı alady
Qazaqstan balalary elimizdiń bas ustazyna tikeleı hat joldaı alady. «Mınıstrge hat» aktsııasy bastaldy. Bul týraly Oqý-aǵartý mınıst rliginiń baspasóz qyzmeti habarlady.
27 mamyr men 1 maýsym aralyǵynda «Qazaqstan balalary» onkúndigi aıasynda respýblıkalyq «Mınıstrge hat» aktsııasy ótedi.
— Aktsııanyń maqsaty — balalardyń óz oılaryn ashyq aıtyp, mektep, qala nemese el turmysyna qatysty usynys bildirýine, suraq qoıýyna múmkindik beretin ashyq dıalog alańyn qurý. Hattar kelesi elektrondyq poshta arqyly qabyldanady: balalaruni2025@gmail.com Ótinish bildirý formaty erkin: bul mátin, sýret, fotosýret nemese qolmen jazylǵan hattyń skan-nusqasy, beınejazba nemese prezentatsııa bolýy múmkin, — delingen habarlamada.
Hatta mindetti túrde kórsetilýi tıis:
* balanyń tegi men aty;
* oqý orny;
* mekenjaıy men baılanys telefony.
— Aktsııa qorytyndysy boıynsha Mınıstr hattarmen jeke tanysyp, eń mazmundy ári shynaıy hattarǵa jeke jaýap beredi. «Mınıstrge hat» — bul ár balanyń daýysy mańyzdy sanalatyn senim men qurmet alańy, — delingen mınıstrlik habarlamasynda.
Aıta ketelik búgin Oqý-aǵartý mınıstri Ǵanı Beısembaev Halyqaralyq balalardy qorǵaý kúni qarsańynda «Qazaqstan balalary» onkúndigi aıasynda elimizdiń jas azamattaryna úndeý jasaǵan edi.