Balalar ata-anasynyń qushaǵynan alystamaýy kerek - ShQO ákimi
ÓSKEMEN. QazAqparat - Jetkinshek urpaqty jeteli etip ósirgiń kelse mektep-ınternatyn salmaý kerek. Bul tujyrymdy oblys ákimi Danıal Ahmetov Katonqaraǵaı aýdanyna barǵan jumys saparynda aıtty, dep habarlaıdy Altaınıýs.
«Mektep jasyndaǵy balalar ata-anasynyń qushaǵynan alystamaýy kerek. Ata-ananyń meıirin sezinip ósken urpaq jaman bolmaıdy. Internat salý keńes úkimeti kezinen qalǵan dúnıe. Qazir mektepterge barlyq jaǵdaı jasalǵan. Avtobýstar bar», -dedi óńir basshysy.
Bul sózdiń shyǵyýyna Prımorsk aýylynda salynyp jatqan balalardy saýyqtyrý lagerin kózben kórgen oblys basshysyna aýdan ákimi Ahmetqalı Nurǵojınnyń qosymsha ınternat salsaq degen usynysy sebep bolǵan edi.
50 balaǵa arnalǵan saýyqtyrý kesheni, buıyrsa qyrkúıek aıynda paıdalanýǵa beriletin kórinedi. Aımaq basshysy sonymen qatar atalmysh aýylda salynyp jatqan demalys bazasyn, jańa Haırýzovka aýylynda tartylyp jatqan aýyz sý qubyryn, aýdandyq shyǵarmashylyq úıi jáne dostyq úıiniń tynys-tirshiligimen tanysty.
