Balalar arasynda koronavırýsqa shaldyǵý ne sebepti artty

NUR-SULTAN. QazAqparat – QR DSM sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova balalar arasynda koronavırýsqa shaldyǵý ne sebepti artqanyn túsindirdi, dep habarlaıdy QazAqparat tilshisi.

Onyń aıtýynsha, 1 qańtardan bastap 18 jasqa deıingi 12 862 bala aýyrǵan.

«Naýryzda indetke shaldyǵý 5 paıyzǵa artqanyn kórip otyrmyz. Aýrý juqtyrýdyń ósimi oqýshylar arasynda baıqalyp otyr. Bul jaǵdaıdyń ózindik sebebi bar, óıtkeni 1 naýryzdan tek 1-5, 9-11 synyp balalarynan bólek, basqa da synyptarǵa oqýǵa ruqsat berdik. Sonymen birge, bizdiń óńirlik departamentter bilim berý basqarmalarymen birlese sanıtarlyq-epıdemıologııalyq talaptardyń oryndalýy boıynsha qadaǵalaýdy qamtamasyz etip jatyr», - dedi A. Esmaǵambetova.

Sonymen qatar ol balalar arasynda indetke shaldyǵý ósimine qatysty pikir bildirdi.

«Bul rette mektepterde balalardyń áleýmettik baılanystarynyń artýy sebebimen túsindirýge bolady. Taǵy bir zertteý málimetine toqtalǵym keledi, «brıtandyq» shtamm jastarǵa qatty áser etedi. ıAǵnı jastar bastapqy koronavırýsqa qaraǵanda, atalǵan shtammen jıi aýyrady», - dedi A. Esmaǵambetova.