Balalar arasynda koronavırýs ınfektsııasyn juqtyrý azaıdy - mınıstr

ASTANA. QazAqparat - Balalar arasynda maýsymdyq vırýstyq ınfektsııa júrip jatyr. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Balalar arasynda koronavırýs indeti tirkelip jatyr. Sońǵy aılarda indettiń taralýy kúrt tómendedi. Segiz aıda 8 myńǵa jýyq bala koronavırýs ınfektsııasyn juqtyrǵan. Al qazirgi kezde bul kósetkish azaıyp keledi», - dedi A. Ǵınııat Parlament Májilisindegi Úkimet saǵatynan keıingi baspasóz máslıhatynda.

Onyń aıtýynsha, emdelip jatqandardyń ishinde 100-den patsıent statsıonarda em qabyldap jatyr. Olardyń kóbisi eresek adamdar.

«Al balalar arasynda maýsymdyq vırýstyq ınfektsııa júrip jatyr. Tumaýdyń taralýyna jol bermeý jumystaryna daıyndalyp otyrmyz. Osy oraıda vaktsınalaý men basqa da aldyn alý is-sharalary qamtylǵan. Bul turǵyda negizinen tumaý qarasha aıynda taralatyny belgili», - dedi mınıstr.