Balalar arasynda «Qazaqstan kýbogy» komandalyq týrnıri máresine jetti
ASTANA. QazAqparat - Almatyda «TsSKA» tennıs ortalyǵynda 12 jasqa deıingi balalar arasynda ótken tennısten «Qazaqstan kýbogy» komandalyq týrnıriniń fınaldyq matchtary ótti, dep habarlaıdy aqparattyq jáne sporttyq HAB.
Qazaqstannyń túkpir-túkpirinen kelgen 16 komanda 6 kún boıy ózara myqtyny anyqtady. Jarys aınalym boıynsha ótkizilip, kóp upaı sanyn jınaǵan ujym jeńimpaz atandy.
Jabylý saltanatyna barlyq qatysýshylar qatysyp, dıplomdarmen marapattaldy. Jeńimpazdar men júldegerlerge syılyqtardy tabystamas buryn tennıste Qazaqstan Federatsııasynyń Almaty qalasy fılıalynyń dırektory Andreı Kvasov jeńimpazdardy quttyqtap, qatysýshylarǵa alǵys bildirdi.
«Qurmetti qatysýshylar, apta boıy qyzyqty da tartysty oıyndardy kórsetip, úzdikteri ekenderińizdi dáleldedińizder. Keremet komandalyq oıyn, rýh kúshi jáne de jaqsy daıyndyqtaryńyz eleýsiz qalmady. Almatyǵa kelip, osyndaı týrnırge qatysqandaryńyz úshin alǵysymdy bildiremin. Búgingi fınaldyq matchtar halyqaralyq jarystardan kem túspedi. Sizder keleshekte naǵyz kásipqoı tennısshiler bolyp, ata-analaryńyz ben bapkerlerińizdiń senimderin aqtaıtynyńyzǵa esh kúmánim joq», - dep atap ótti Andreı Kvasov.
Jarys qorytyndysy boıynsha, Astana quramasy jeńis tuǵyrynan kórinse, OQO tennısshileri kúmis júldeni ıelendi. Al úshinshi oryn úshin ótken oıynda Almaty jáne Taraz komandalary kezdesti. Qonaqtar alań ıelerin 4:2 esebimen jeńip, qolany qanaǵat tutty.
Tennıs dodasynyń jeńimpazdary men júldegerlerine medal, dıplom, sondaı-aq, baǵaly syılyqtar men aqshalaı granttar berildi: 1 oryn - $7,000, 2 oryn - $5,000, 3 oryn - $3,000.
«Men óz utysymmen otbasymmen jáne bapkerimmen bólisemin. Bizdiń komanda barlyǵyn oısyrata utyp, úzdik atandy. Osy básekede birinshi oryndy jeńgenimizge asa qýanyshtymyn. Barlyq uıymdastyrýshylarǵa sheksiz alǵysymdy bildiremin. Týrnır aldynda chempıon atanatynymyzǵa senimdi boldyq, mine búgin bul belesti de baǵyndyrdyq», - dep bólisti Astana komandasynyń oıynshysy Dana Baıdáýlet.
Aıta keteıik, «Qazaqstan kýbogy» birinshi komandalyq týrnıri 2016 jyly Astana qalasynda ótken. Týrnırdiń qorytyndysy boıynsha, Almaty-1 komandasy birinshi oryndy ıelense, Astana-1 - ekinshi, al Qaraǵandy oblysynyń komandasy - úshinshi orynǵa jaıǵasqan.
