Balalar arasynda ishek aýrýlary órship tur
Qazaqstanda ishektiń qabyný aýrýlary órship barady. Ásirese, atalǵan dertke balalar jıi shaldyǵyp jatyr. Bul týraly Kardıologııa jáne ishki aýrýlar ǵylymı zertteý ınstıtýtynda ótken ishektiń qabyný aýrýlary jónindegi respýblıkalyq konferentsııada aıtyldy, dep habarlaıdy Kazinform.
Dárigerler dabyl qaqty. Elde ishektiń qabyný aýrýlary birneshe jyldan beri órship barady. Іshektiń sozylmaly patologııalary jasaryp ketken. Búginde balalar men jasóspirimder atalǵan dertke jıi shaldyǵady.
«Sondyqtan syrqattanýshylyqtyń ósýi emdeý hattamalaryn jańartýdy, dárigerlerdiń sapaly daıarlyǵyn jáne biliktiligin arttyrýdy talap etedi»,-deıdi Kardıologııa jáne ishki aýrýlar ǴZI Basqarma tóraǵasy Marat Pashımov.
Іshektiń qabyný aýrýlary boıynsha jetekshi maman Jámılá Qaıbýllaevanyń sózinshe, aýrýdy tıimdi baqylap jáne asqynýlardy azaıtý úshin aýrýdy erte anyqtaý qajet.
«Terapııa men aýrýdyń barysyn ýaqtyly baqylaý mańyzdy. ІQA bar patsıentterdiń biryńǵaı bazasyn qurý respýblıka boıynsha ІQA aýrýy men taralýy týraly naqty málimetter alýǵa, sondaı-aq óńirlerde aýrýdy anyqtaýdy jaqsartýǵa múmkindik beredi»,-deıdi dáriger.
Іshektiń qabyný aýrýlary jónindegi respýblıkalyq sharaǵa gastroenterolog, koloproktolog, endoskopıst, terapevt, jalpy praktıka jáne sáýlelik dıagnostıka dárigerleri qatysty.