Balalar arasynda kólik jolyna júgirip shyǵatyn jańa oıyn paıda boldy – feık
Áleýmettik jelilerde jol boıynda kútip turyp, temir tulpar jaqyndaı bergende jolǵa júgirip shyqqan balanyń is-áreketi taspalanǵan beınematerıal jarııalandy. Kópshilik muny kámeletke tolmaǵandar arasynda paıda bolǵan jańa oıyn túri ekenin alǵa tartty. Kazinform tilshisiniń saýaly boıynsha Іshki ister mınıstrligi bul oqıǵaǵa túsinik berdi.
«Qostanaı oblystyq Polıtsııa departamenti beınejazba astynda jarııalanǵan aqparat shyndyqqa janaspaıtynyn habarlady. Jol-kólik oqıǵasy 8 qazanda Rýdnyı qalasynda bolǵan. «Daewoo Nexia» markaly avtokóliktiń júrgizýshisi baǵdarshamnyń tyıym salý sıgnalyna ótip, kámeletke tolmaǵan balany qaǵyp ketken. Osy fakti boıynsha polıtsııa Qylmystyq kodekstiń 345-babynyń 1-bóligi (Jol qozǵalysy erejelerin buzý) boıynsha sotqa deıingi tergep-tekserýdi bastady», - dep jaýap berdi Іshki ister mınıstrliginiń baspasóz qyzmetinen tilshi saýalyna oraı.
Vedomstvo aqparatyna saı, el boıynsha mundaı faktiler tirkelgen joq. ıAǵnı, jelidegi aqparat shyndyqqa janaspaıdy. Tıisinshe mınıstrlik ókilderi jalǵan málimet tartqandarǵa jaýapkershilik qarastyrylǵanyn eske saldy.
Posmotret etý pýblıkatsııý v Instagram
