Balalar arasynda eń jıi kezdesetin máseleler qandaı
ASTANA. KAZINFORM – AIMAQ podkastynyń jańa shyǵarylymynda Astana qalasy boıynsha Bala quqyqtary jónindegi óńirlik ýákil Ásıma Bımendına kámeletke tolmaǵandar jıi shaǵymdanatyn túıtkilder jóninde málimdedi.
Onyń sózinshe, eń keń taraǵan másele – ata-analar men perzentteriniń birin-biri túsinbeýi.
– Otbasylyq jaǵdaı taqyrybyna jete mán berýimiz kerek dep oılaımyn. Keı ata-ana habarlasyp, kómek suraıdy. Ondaı jaǵdaıda ardagerler keńesi músheleri ustazdarmen, mektep basshylarymen, ata-analarmen kezdesip, máseleni talqylaıdy, aqyl-keńesin beredi, – dedi Bala quqyqtary jónindegi óńirlik ýákil.
Al ekinshi másele – balalar arasyndaǵy býllıng. Mundaı jaǵdaıda túıtkildi sheshý algorıtmi bar.
– Býllıng faktisi boıynsha qaıda habarlasyp, shaǵymdaný kerektigin ár mektep biledi. Odan bólek, 111 nómiri boıynsha baılanys ortalyǵy psıhologııalyq kómek kórsetiledi. Astanada bul ortalyqqa qońyraý, shaǵym kóp túsedi. Men soǵan qýanamyn. Óıtkeni balalar bizge senedi. Eger óz mektebindegi psıhologke barmasa, bizge habarlasyp, máselesin aıtady. Bul jaqsy úrdis dep oılaımyn. Sebebi balalar kómekti kimnen suraý qajettiginen habardar. Atalǵan nómir boıynsha mamandar olarǵa járdemin usynady, – dedi maman.
Aıta keteıik, buǵan deıin elimizde oqýshylardy esepke alý men býllıngke qatysty talaptar ózgergenin jazǵanbyz.