Balalar analaryna kúnine 300 suraq qoıady
ASTANA. 31 naýryz. QazAqparat - Ǵalymdar kishkentaı balalar óz analaryna ortasha eseppen qansha suraq qoıatynyn eseptep shyǵardy.
Internet BAQ-tardyń habarlaýynsha, tórt jasar qyz kúnine 390 suraq qoıady eken. Ortasha eseppen alǵanda bala sergek júrgende 1 mınýt 56 sekýnd saıyn bir suraqty anasyna arnap otyrady.
Ǵalymdar 2-10 jas aralyǵyndaǵy balalary bar 1 myń anany saýalnamamen qamtyǵan. Olardy balamen úıde ótkizgen bir kúnniń barysy qyzyqtyrdy.
Balalar suraqty kóbinese tamaq ishý kezinde (11 suraq), keıin dúkenge barar jolda (10 suraq) qoıatyn kórinedi.
Bir qyzyǵy, órenderdiń 82 paıyzy suraq qoıý úshin eń aldymen, anasyna barady eken. Jetkinshekterdiń 24 paıyzynyń bulaı isteýiniń sebebine toqtalatyn bolsaq, suraqqa jaýap berýge ákeleri olardy báribir analaryna jiberetinin ábden bilip alǵan.
Áıelder jylyna balanyń 105 myń 120 suraǵyna jaýap qaıtaratyn bolyp shyqty.
