Balalar 1 maýsymda kınoteatrlar men attraktsıondarǵa tegin kire alady
ASTANA. 27 mamyr. QazAqparat /Gúlmıra Álıakparova/ - 1 Maýsym - Balalardy qorǵaý kúni elimizde balalar kınoteatrlar men attraktsıondar tegin kire alady Bul týraly búgin ótken baspasóz máslıhatynda QR Bilim jáne ǵylym mınıstrligi Balalar quqyǵyn qorǵaý jónindegi komıtettiń tóraǵasy Raısa Sher aıtty.
«Birinshi maýsym kúni elimiz aımaqtarynda balalar úshin alańdarǵa, oıyn-saýyq keshenderine, kınoteatrlar men teatrlarǵa kirý tegin bolady. Olarǵa oqý jylynan keıin demalýǵa jaǵdaılar jasalady», - dep atap ótti ol.
«Bul kúni barlyǵyn tegin etý úshin biz barlyq oıyn-saýyq mekemelerimen sóılestik. Onymen birge, balalardyń qoǵamdyq kólikte tegin júrý máselesin qarastyrdyq», - dedi tóraǵa.
Málim bolǵandaı, 1 maýsym kúni sondaı-aq respýblıka boıynsha bir aıǵa jalǵasatyn «Qazaqstan, biz seniń balalaryńbyz!» atty respýblıkalyq aktsııa bastaý alady. Onyń aıasynda túrli mýzykalyq baıqaýlar men merekelik sharalar ótkiziledi.
Merekeni uıymdastyrýǵa jergilikti jáne respýblıkalyq bıýdjettiń 40 mln.-ǵa jýyq teńgesin jáne demeýshilerdiń 40-45 mln. teńgesin jumsaý kózdelip otyr.
