Balaǵat sóılegen qostanaılyq 60 myń teńge aıyppul tóleıdi
QOSTANAI. QazAqparat - Qostanaı turǵyny demalys orny ákimshisin qorlaǵany úshin 25 AEK kóleminde aıyppul tóleıdi, dep habarlaıdy QazAqparat oblystyq sottyń baspasóz qyzmetine silteme jasap.
Іs derekterine súıensek, osy jyldyń 12 mamyry kúni Qostanaı aýdany Zatobol aýylynyń turǵyny jergilikti demalys orny ákimshisimen sózge kelip qalǵan.
«Aıyptalýshy ákimshiniń ar-namysyn tómendetetin sózder aıtyp, balaǵattaǵan. Sot is derekterin qarap, sot otyrysynda usynylǵan dáleldemelerdi zerttep, qala turǵynynyń qylmystyq teris qylyq jasaǵanyn dáleldedi. Aıyptalýshynyń kámelettik jasqa tolmaǵan balasynyń bolýy onyń jazasyn jeńildetti», - delingen oblystyq sottyń baspasóz habarlamasynda.
Jábirlenýshi moraldyq zııandy óndirip alý týraly azamattyq talaby boıynsha 100 000 teńge kóleminde qarjy suraǵan. Alaıda, sot jábirlenýshiniń talabyn ishinara qanaǵattandyrdy.
Qostanaı aýdandyq sotynyń úkimimen ákimshini balaǵattaǵan áıel kináli dep tanyldy. Ol jábirlenýshige moraldyq zııan keltirgeni úshin 60125 teńge aıyppul tóleıdi.
