Balaǵa seksýaldyq sıpattaǵy áreketter jasaý kúdigimen Arys turǵyny ustaldy

ARYS. QazAqparat – Túrkistan oblysynda qyz balaǵa seksýaldyq sıpattaǵy zorlyq-zombylyq áreket jasady degen kúdikpen jergilikti turǵyn ustaldy, dep habarlaıdy QazAqparat Rolisia.kz-ke silteme jasap.

«Túrkistan oblysynyń polıtseıleri Arys aýdanynda kámeletke tolmaǵan qyzǵa qatysty quqyqqa qaıshy áreketter faktisi boıynsha sotqa deıingi tergeý amaldaryn júrgizip jatyr.

21 mamyr kúni Arys aýdandyq polıtsııa bólimine jergilikti turǵynnan habarlama kelip tústi. Aryz negizinde polıtseıler jedel-izdestirý is-sharalaryn ótkizip, nátıjesinde kúdikti – Arys qalasynyń turǵyny izin sýytpaı sol saǵatta ustaldy.

Atalǵan fakti QR Qylmystyq kodeksiniń 121-baby 4-bóligi»Seksýaldyq sıpattaǵy zorlyq-zombylyq áreketter«boıynsha tirkeldi. Kúdikti qamaýǵa alyndy. Oqıǵanyń tolyq mán-jaıy anyqtalyp jatyr

Kámeletke tolmaǵan qyzdyń densaýlyǵy turaqty. Saraptama qorytyndysyna sáıkes denesinde qandaı da bir zaqym anyqtalǵan joq. Qazir bala úıinde, ata-anasymen birge», - delingen usynylǵan aqparatta.

Málim etilgendeı, ózge aqparat QR Qylmystyq-protsessýaldyq kodekstiń 201-babyna sáıkes jarııa etilýge jatpaıdy.

Polıtsııa kórineý jalǵan aqparat taratqany úshin qylmystyq jaýapkershilik qarastyrylǵanyn eske saldy.