Balaǵa qatysty zorlyq-zombylyqty jasyrǵan ata-anaǵa jaza kúsheımek

ASTANA. QazAqparat – Kámeletke tolmaǵandarǵa qatysty jasalǵan zorlyq-zombylyq faktilerin jasyryp qalǵan ata-analar qylmystyq jaýapkershilikke tartylýy múmkin. Bul týraly Oqý-aǵartý mınıstrligi ázirlegen balalardyń quqyǵyn qorǵaýdyń 2023-2025 jyldarǵa arnalǵan keshendi josparynda jazylǵan, dep habarlaıdy QazAqparat tilshisi.

«Ádilet mınıstrligi janyndaǵy vedomstvoaralyq jumys tobyna kámeletke tolmaǵandarǵa qatysty zorlyq-zombylyq jasaý faktilerin jasyratyn ata-analarǵa nemese zańdy ókilderge qatysty qylmystyq jaýaptylyqty engizý bóliginde usynystar engizý kózdeledi», - delingen qujatta.

Munymen qatar, qoldanystaǵy ózge de zańnamaǵa ózgeris engizý usynylyp otyr.

«Qoldanystaǵy zańnamaǵa sot quqyq buzýshynyń (agressor) kámeletke tolmaǵandarǵa qatysty minez-qulqyna qoıylatyn erekshe talaptardy buzǵany úshin qylmystyq jaýaptylyq engizý qarastyrylady», - dep kórsetilgen keshendi josparda.

Bul oraıda, balaǵa agressııa kórsetken adam sotqa deıin búldirshinmen birge turmaıdy. ıAǵnı, quqyq buzýshy turǵyn úıden ýaqytsha shyǵarylady.

Josparǵa saı, atalǵan jumystar bıylǵy jyldyń úshinshi toqsany men kelesi jyldyń birinshi toqsanynda kezeń-kezeńimen qolǵa alynady.

Buǵan deıin balalardyń quqyǵyn qorǵaýǵa baǵyttalǵan eki jyldyq keshendi jospar bekitiletinin habarlap edik.