Balaǵa ekpe saldyrý qajet pe, revaktsınatsııa kimderge kerek? - Sarapshylar pikiri
«Biz qazir vırýsqa qarsy vaktsınanyń úshinshi dozasyn egý bastalatynyn aıtyp jatyrmyz ǵoı, biraq keıbir otandastarymyz áli birinshi komponentin de alǵan joq. Vaktsına jasalǵan platformalar ımmýndyq jaýaptyń ártúrli bólikterin belsendiredi. Densaýlyq saqtaý mınıstrligi usynǵan shemany tolyǵymen quptaımyn. Eger alǵashqy eki doza «Spýtnık» vaktsınatsııasy bolsa, bul joly basqasyn alǵan durys dep oılaımyn. Mysaly, bizdiń QazVac-ty alýǵa bolady. «Spýtnık» adenovırýsqa qondyrylǵandyqtan, jasýsha deńgeıinde ımmýnıtetti óte jaqsy belsendiredi. Biraq onyń jaramdylyq aıasy óte tar. Al QazVac-tyń ereksheligi keń, bul óltirilgen vaktsına. Býsterlik vaktsınatsııa kezinde vaktsınany aýystyrý óte oryndy», - dedi S.Asfendııarov atyndaǵy QazUMÝ-dyń jalpy ımmýnologııa kafedra meńgerýshisi Elmıra Bıtanova.
Sarapshy Prezıdent halyqty qaıta vaktsınatsııalaý naýqanyn bastaýdy usynǵanyn eske saldy. Onyń aıtýynsha, mindetti túrde qaıta vaktsınatsııalanýy kerek azamattardyń belgili bir sanaty bar. Sonymen qatar tıimdi ımmýndyq reaktsııany uzartqysy keletin eriktilerge de múmkindik berilýi kerek.
Sondaı-aq, baǵdarlama barysynda sarapshylar balalardy vaktsınalaý máselesin talqylady.
«Balalar epıdemıologııalyq tizbekke belsendi qatysady.Olardyń aǵzasynda sıptosmyz ótkenimen, ózderi ınfektsııanyń tasymaldaýshysy bolýy múmkin. Sondyqtan balalardy vaktsınalaý oryndy. Árıne, bul shara balalarǵa salynatyn vaktsına qaýipsiz ekenin tolyq kóz jetkizgennen keıin ǵana bastalýy kerek», - dedi Elmıra Bıtanova.
Medıtsına ǵylymdarynyń kandıdaty, qoǵam qaıratkeri Beksultan Tutqyshev vaktsınaǵa muqtaj bolǵan toqsanynshy jyldardy eske aldy.
«Toqsanynshy jyldary balalardy vaktsınalaý máselesi ózekti body. Sebebi memlekettiń ekpe alatyn aqshasy joq edi. Sóıtip balalardyń birshama bóligi vaktsınasdan qaǵyldy. Saldarynan toqsanynshy jyldardyń aıaǵy men eki myńynshy jyldardyń basynda kóbi 20-25 jasynda jelsheshekpen aýyrdy, kóz jumdy»,- dep eske aldy Beksultan Tutqyshev.
Al Nur-Sultan qalasy ákimdiginiń kópsalaly medıtsınalyq ortalyǵynyń joǵary sanatty ınfektsıonıst dárigeri Aıgúl Jańabaeva revaktsınaııa aldyńǵy eki komopnenti alǵannan keıin jarty jyl ótkende jalaýy kerek degen paıymyn aıtty.
«Qazir jyl saıyn tumaýǵa qarsy ekpe alatyndar kóp. Óıtkeni tumaý taraıtyn kezeńder turaqty. Al bul indettetiń taraıtyn naqty bir kezeńi joq. Sondyqtan alty aı saıyn vaktsınala alǵan jón», - deıdi ol.
