Balaeva: Memleket pen qoǵamnyń ózara tıimdi is-qımyly - Prezıdent bastamalarynyń nátıjeli bolýynyń kepili
Nur-Sultan qalasynyń qoǵamdyq keńesiniń múshelerimen kezdesýde A.Balaeva Mınıstrliktiń qoǵamdyq keńesterdiń qyzmetin jetildirý jáne úılestirý, onyń ishinde osy jyly qabyldanǵan zańnamalyq túzetýlerdi eskere otyryp, júrgizip jatqan jumysy týraly habardar etti. Mınıstr Qoǵamdyq keńes azamattyq qoǵamnyń pikirin bildirýdegi biregeı azamattyq ınstıtýtqa aınalǵanyn, al 2021 jyly qabyldanǵan zańnamalyq ózgerister olardyń qyzmetin jetildirý isine serpin bergenin atap ótti. Qazirgi ýaqytta 249 qoǵamdyq keńes qoǵamdyq baqylaýdy júzege asyrýǵa tikeleı tórt nysanda tartylǵan: qoǵamdyq monıtorıng, qoǵamdyq saraptama, qoǵamdyq tyńdaýlar jáne memlekettik organdar basshylarynyń esepterin tyńdaý. Mınıstr Qoǵamdyq keńes múshelerin zańnamamen berilgen óz ókilettikterin belsendi paıdalanýǵa shaqyrdy.
Kezdesýge qatysýshylar óz tarapynan qoǵamdyq keńesterdiń ókilettikterin keńeıtý boıynsha zańnamalyq túzetýlerdi júzege asyrýdaǵy óz tájirıbesi men problemalyq máseleleri týraly aıtyp berdi. A.Balaeva aǵymdaǵy jyldyń qarasha aıynyń sońynda Almatyda Qazaqstan Táýelsizdiginiń 30 jyldyǵyna oraı ótetin X Azamattyq forýmnyń jeke bir alańy qoǵamdyq keńester jumysyna arnalatynyn habarlady.
Elordanyń ǵylymı-shyǵarmashylyq zııaly qaýym ókilderimen kezdesýiniń barysynda mınıstr qatysýshylardyń nazaryn Memleket basshysynyń Joldaýyn iske asyrýdaǵy birlesken kúsh-jigerdiń mańyzdylyǵyna aýdardy. Sonymen birge, Prezıdent eldiń damýynda ulttyq ıntellıgentsııaǵa erekshe ról beretindigin atap ótti. A.Balaeva: «Jalpy Prezıdentimizdiń zııaly qaýymǵa degen kóńili qashanda erekshe. Bıylǵy Joldaýynda zııaly qaýym ókilderin arnaıy atap ótti. Ult zııalylarynyń oı-pikiri qoǵam damýy úshin asa qajet ekenin aıttty. El bolashaǵyna qatysty, ásirese urpaq tárbıesinde ózderińizdi shet qalmaýǵa shaqyrdy. Bul túsinistik el Táýelsizdiginiń 30 jyldyǵynda erekshe mańyzdy»,-dedi mınıstr.
Aıda Balaeva Elbasy Nursultan Nazarbaevtyń «Rýhanı jańǵyrý» bastamasyn iske asyrý barysy týraly egjeı-tegjeıli aıtyp, 2021 jyldan bastap baǵdarlama Qoǵamdyq sanany ulttyq jańǵyrtý kezeńine ótý boıynsha Jol kartasy formatyna ótkenin atap ótti.
«Rýhanı jańǵyrý» baǵdarlamasyn júzege asyrýdaǵy zııaly qaýymnyń erekshe róli týraly aıta kele, mınıstr «100 kitap» jobasy jaqsy nátıje bergenin jetkizdi. Atap aıtqanda, jobanyń arqasynda 60 aqyn, jazýshylardyń shyǵarmalary álemdik 6 tilge aýdarylyp, álemniń 90 eline taratyldy.
Elorda ákimdiginiń aktıvimen kezdesýde mınıstr el Prezıdenti men Úkimetiniń bastamalary týraly halyqty aqparattandyrý jónindegi jumysty arttyrý qajettigine nazar aýdardy. A.Balaeva qoǵamdyq damý kóbinese ortalyq jáne jergilikti memlekettik atqarýshy organdardyń azamattyq qoǵammen, ǵylymı jáne shyǵarmashylyq ıntellıgentsııamen, jastarmen tıimdi ózara is-qımylyna baılanysty ekenin aıtty.
Mınıstrmen kezdesýlerge qatysýshylar Qazaqstan Táýelsizdiginiń 30 jyldyǵyn merekeleý jylynda qoǵamdyq damý isinde pikir almasý jáne usynymdar formatynda osyndaı is-sharalardyń erekshe mańyzdylyǵyn atap ótti.
