Balaeva Qazaqstandaǵy Pravoslav shirkeýiniń basshysy mıtropolıt Aleksandrmen kezdesti
ASTANA. KAZINFORM – Astanada QR Premer-mınıstriniń orynbasary – Mádenıet jáne aqparat mınıstri Aıda Balaeva Qazaqstandaǵy Pravoslav shirkeýiniń basshysy, Astana jáne Qazaqstan mıtropolıti Aleksandrmen kezdesti.
Kezdesý barysynda taraptar memleket pen Pravoslav shirkeýiniń ózara yntymaqtastyǵy máselelerin, sondaı-aq dinı uıymdardyń qoǵamdyq kelisimdi nyǵaıtýdaǵy, konfessııaaralyq dıalogty damytýdaǵy jáne rýhanı qundylyqtardy saqtaýdaǵy rólin talqylady.
Aıda Balaeva memleket pen dinı birlestikter arasyndaǵy konstrýktıvti dıalogtyń mańyzdylyǵyna toqtalyp, Pravoslav shirkeýiniń eldegi rýhanı birlikti, qoǵamdyq turaqtylyqty jáne konfessııaaralyq kelisimdi nyǵaıtýǵa qosyp otyrǵan úlesin erekshe atap ótti.
Kezdesý qorytyndysy boıynsha taraptar mádenıet, rýhanııat jáne qoǵamdyq dıalog salalarynda birlesken bastamalardy júzege asyrýǵa daıyn ekenderin bildirdi.
Buǵan deıin Aıda Balaeva Qazaqstanda 18 myńnan astam úkimettik emes uıym belsendi jumys istep jatqanyn aıtqan bolatyn.
