Balabaqshany mektepten bólmeı, birge salýdyń tıimdiligi mol - A. Smaıyl
ASTANA. Jeltoqsannyń 9-y. QazAqparat /Qanat Mámetqazyuly/ - Balabaqshany mektepten bólmeı, birge salýdyń tıimdiligi mol. Búgin QR Parlamenti Májilisiniń jalpy otyrysynda Bilim jáne ǵylym mınıstriniń atyna saýal joldaǵan depýtat Aldan Smaıyl osylaı atap ótti,
dep habarlaıdy QazAqparat.
«Saılaýshylarmen kezdesýler barysynda ata-analar men ustazdar tarapynan balabaqsha máseleleri de oryndy kóterilip jatyr. Sońǵy ýaqytta basqa maqsatta paıdalanylyp jatqan balabaqshalar ǵımarattary qaıtaryla bastady. Osyndaı balalarǵa arnalǵan mektepke deıingi talaı nysan jańadan boı kóteretin bolady. Balalardyń tárbıe oshaqtaryn kóbeıtýdiń taǵy bir joly - olardy mektepterden bólmeı birge salý. Shyndyǵanda, bul tıimdi shara. Baldyrǵandar mektepter janyndaǵy baqshada tárbıelenip, bilim alady. Juptaryn jazbaı sol mektep partalana otyrady, odan keıingi ómir joldaryna da toǵysyp jatady. Bundaı tájirıbe búginde bar. Máselen, qazaq-túrik lıtseıleri osyndaı júıede jumys isteýde», dedi depýtat A. Smaıyl.
