Balabaqshamen qamtý deńgeıi 16 paıyzǵa artty - E. Saǵadıev
ASTANA. QazAqparat - 2015 jyly balalardy balabaqshamen qamtý 16 paıyzǵa ósti. Bul týraly búgin Astanadaǵy L.N.Gýmılev atyndaǵy Eýrazııa ulttyq ýnıversıtetindegi halyqpen esepti kezdesýinde QR Bilim jáne ǵylym mınıstri Erlan Saǵadıev málim etti.
«2015 jyly 3-6 jas aralyǵyndaǵy balalardy mektepke deıingi bilim berýmen qamtý 16 paıyzǵa artyp, 81,6 paıyzdy qurady. Bul -jańartylǵan mazmunǵa daıarlaýda óte mańyzdy qadam. Atap aıtqanda, mektepke deıingi uıymdar jelisi 740-qa artyp, 9 myńǵa jýyqtady. Negizinen, bul uıymdar memlekettik-jekemenshik seriktestiktiń ósýi esebinen boldy»,-dedi mınıstr.
Onyń ózine qaraǵanda, jeke balabaqshalarmen shaǵyn ortalyqtardyń sany 3,5 eseden astam deńgeıge artty, ıaǵnı 500-den 1 800-ge deıin jetti. Memlekettik bıýdjet esebinen 300-ge tarta balabaqsha salyndy.
«2015 jyly mektepke deıingi bilim berý standarty jańardy. Mektepke deıingi daıarlyqtyń jańa bilim berý baǵdarlamasy elimizdiń 30 qanatqaqty mektebiniń bazasynda aprobatsııadan ótip jatyr»,-dedi mınıstr.
