Balabaqshalarǵa vaýcherlik qarjylandyrý júıesi engiziledi

NUR-SULTAN. QazAqparat – Balabaqshalarǵa vaýcherlik qarjylandyrý júeısi engiziledi. Qazirgi tańda bul joba pılottyq negizde iske asyp jatyr. Bul týraly Oqý-aǵartý mınıstrliginiń «Qarjy ortalyǵy» AQ Basqarma tóraǵasy Asqar Ibraımov aıtty, dep habarlaıdy QazAqparat tilshisi.

«Vaýcherlik qarjylandyrýdyń qashan jappaı qoldanysqa engiziletini belgisiz. Qazirgi tańda biz ony tek pılottyq negizde iske qostyq. Oǵan 15 balabaqsha, ıaǵnı 180 ata-ana qatysyp jatyr. Jobany pysyqtaý maqsatynda oǵan ózgerister men tolyqtyrýlar engiziledi», - dedi Asqar Ibraımov.

Mektepke deıingi bilim berý komıtetiniń tóraǵasy Gúlmıra Kárimovanyń aıtýynsha, vaýcherlik qarjylandyrý júıesi engizilse, onda ata-analar balabaqshany tańdaýǵa, onyń bıýdjetin qadaǵalaýǵa múmkindik alady.

«Buryn memlekettik tapsyrys sheńberinde balabaqshalarǵa qarjyny jergilikti atqarýshy organdar taratatyn edi. Al endi vaýcherlik qarjylandyrý arqyly bul iske ata-analar da aralasa alady. Sonymen qatar ata-analar balabaqshany tańdaýǵa, bıýdjetti qadaǵalaýǵa múmkindik alady. Osylaısha, buryn osy jumystardy atqaryp kelgen jergilikti atqarýshy organdardan atalǵan mindetter alynyp tastalady. Pılottyq joba sátti iske assa, onda birinshi kezekte vaýcherlik qarjylandyrý júıesin Nur-Sultan qalasynda engizý josparlanǵan», - dedi Gúlmıra Kárimova.

Eske sala keteıik, buǵan deıin elimizde balabaqshalardy lıtsenzııalaý qalaı júrgiziletinin habarlaǵan edik.