Balabaqshalarǵa degen zárýlik elde áli de baıqalady - Qarjy mınıstri
ASTANA. Mamyrdyń 17-si. QazAqparat /Aıdar Ospanalıev/ - 2009 jyldyń bıýdjetin oryndaý barysynda elde bala-baqshalardyń jetispeýshiligi máselesine basa nazar aýdaryldy.
Mektepke deıingi tárbıemen qamtamasyz etilgen balalar sany artyp, bul kórsetkish mektepke deıingi jastaǵy balalardyń 38,7 paıyzyn qurady. Al 2008 jyly bul kórsetkish 35,6 paıyzdy quraǵan bolatyn. Bul málimetterdi búgin Parlament depýtattaryn 2009 jylǵy bıýdjettiń atqarylýymen tanystyrǵan Qarjy mınıstri Bolat Jámishev keltirdi, dep habarlaıdy QazAqparat.
Ol keltirgen derekterge qaraǵanda, bıylǵy jyldyń qańtar aıyndaǵy málimetter boıynsha, respýblıkada 4 myń 972 mektepke deıingi mekeme bar. «Búginde elde buryn balabaqsha bolyp, biraq keıinnen ózge mekemelerge berilgen nemese basqa maqsattarǵa paıdalanylyp kelgen ǵımarattardyń barlyǵyn balabaqsha retinde qaıtarý baǵytynda keshendi jumystar atqarylýda. Sonymen qatar jeke ıeliktegi balabaqshalar sanyn arttyrý men shaǵyn ortalyqtar qurý baǵytynda da birshama jumystar júrgizilýde. Soǵan qaramastan elde balabaqshalarǵa degen zárýlik áli de bolsa baıqalady. Budan elde bala týý kórsetkishteriniń edáýir ulǵaıýyn kórýge bolady», dedi mınıstr.
