Balabaqshalardyń baǵdarlamalary jańartylyp jatyr

NUR-SULTAN. QazAqparat – Balabaqshalardyń baǵdarlamalary jańartylyp jatyr. Bul týraly búgin Úkimet otyrysynda Oqý-aǵartý mınıstri Ashat Aımaǵambetov aıtty, dep habarlaıdy QazAqparat tilshisi.

«Biz qamtýmen qatar balabaqshalardyń baǵdarlamalaryn jańartý boıynsha jumys júrgizýdemiz. Bul - erekshe mańyzdy baǵyt. Mektepke deıingi tárbıe men oqytýdyń jańa modelin jáne jańa memlekettik standartty bekittik», - dedi mınıstr.

Onyń atap ótýinshe, balabaqshada ózine senimdi, qıyndyqtarǵa tózimdi, denderi saý, ashyq jáne kreatıvti oılaıtyn balalardy tárbıeleý jáne otansúıgishtik, eńbekqorlyq, bilimge qushtarlyq sııaqty qundylyqtardy shyǵarmashylyq pen qozǵalys belsendiligi jáne oıyn arqyly damytylady.

«Balabaqshalardyń tárbıeshileriniń biliktiligin arttyrý, balabaqshalarǵa degen talaptardy kúsheıtý boıynsha da jumys uıymdastyrylýda», - dedi Ashat Aımaǵambetov.