Balabaqshalardy qarjylandyrýdyń jańa júıesi engiziledi
Astana qalalyq bilim berý basqarmasy basshysynyń mindetin atqarýshy Dýlat Jekebaevtyń aıtýynsha, jańa ádisteme aqpan aıynda kúshine enedi. «Oǵan sáıkes, balabaqshalardy qarjylandyrý erejesi ózgeredi. Sonyń aıasynda biz barlyq jekemenshik balabaqshalarǵa, memlekettik balabaqshalarǵa bólinetin qarjyny basqasha esepteımiz», - dedi D.Jekebaev jýrnalısterge bergen suxbatynda.
Onyń aıtýynsha, ádistemeniń negizinde jasalǵan barlyq esep-qısap Astana qalasy ákimdigi janyndaǵy qoǵamdyq keńestiń talqysyna shyǵarylady. «Ádistemeniń jańalyǵyn mınıstrlik biledi. Men de bilemin. Biraq zań boıynsha sol ádistemeni ázirlegen mekeme (QR Bilim jáne ǵylym mınıstrligi - avt.) ǵana túsinikteme bere alady. Sosyn jańa ádisteme áli kúshine enýi kerek. Onsyz eshteńe aıta almaımyn. Tıisti zań qabyldanǵan. Onyń ataýy - jan basyna qaraı qarjylandyrý ádistemesi. Sonyń ishinde balabaqshalar da, mektepter de bar. Endi, atalǵan qujattyń kúshine engenin kútip júrmiz», - dep atap kórsetti D.Jekebaev.
