Balabaqshalardaǵy qaýipsizdik jaǵdaıy tekseriledi

ASTANA. QazAqparat – Balalardyń qaýipsizdigine qatysty elimizdegi balabaqshalar tekseriledi. Bul týraly QR Oqý-aǵartý mınıstrligi Mektepke deıingi bilim departamentiniń dırektory Natalıa Jumadildaeva aıtty, dep habarlaıdy QazAqparat.

Onyń aıtýynsha, mınıstrliktiń tıisti buıyrǵynda balabaqshalardaǵy qaýipsizdik, sondaı-aq qandaı beınekameralardy ornatý jónindegi talaptar jazylǵan.

«Qadaǵalaý is-sharalaryna toqtalsaq, balalardyń qaýipsizdigin qamtamasyz etý erejesin mektepke deıingi bilim berý uıymdary qanshalyqty oryndap jatqanyn baqylaý qadamdaryn pysyqtap jatyrmyz. Bul turǵyda beınekamerasy ornatylmaǵan nemese basqa da talaptardy elemegen balabaqshalar anyqtalsa, onda jergilikti atqarýshy organdarmen, «Atameken» palatasymen birlese tıisti is-sharalardy qarastyramyz», - dedi Ortalyq kommýnıkatsııalar qyzmetindegi baspasóz máslıhatynda.

Esterińizge salaıyq, 13 aqpan kúni Petropavldaǵy №4 orta mekteptiń 9 synyp oqýshysy mektepke qarýlanyp kelip, ózimen qatarlas úsh oqýshyny jaraqattady.

Іshki ister mınıstri oqıǵanyń qalaı bolǵanyn aıtyp berdi.

Budan buryn habarlanǵandaı, mektepke deıingi bilim berý uıymdarynda 97 408 pedagog jumys istep júr. Onyń ishinde aýyldarda 41 596 (42,7%), al qalada 55 811 (57,3%) adam qamtylǵan.

Elimizdegi mektepke deıingi uıymdardyń 70 paıyzǵa jýyǵy qazaq tilinde bilim berip jatyr.

Keıingi 4 jylda balabaqsha kezeginde turǵandar sany eki esege azaıdy.