Balabaqshalarda 20 mınýttyq sabaqtyń ornyna oıyn jáne kommýnıkatsııa ádistemesi engiziledi

NUR-SULTAN. QazAqparat – Eldegi balabaqshalarda 20 mınýttyq sabaqtar ornyna oıyn jáne kommýnıkatsııa ádistemesi engiziledi. Úkimet otyrysynda QR Bilim jáne ǵylym mınıstri Ashat Aımaǵambetov osyndaı josparymen bólisti, dep habarlaıdy QazAqparat tilshisi.

«Osyǵan deıin kishkentaı balalarǵa mekteptegi sııaqty kestege sáıkes 20 mınýttyq sabaqtar júrgizilip kelgen bolsa, endi jańa model boıynsha pedagog oqytý men tárbıeleýdi balanyń baqshaǵa kelgen tusynan bastap, osy jastaǵy balalardyń fızıologııalyq jáne psıhologııalyq qajettilikteri boıynsha oıyn jáne kommýnıkatsııalar arqyly arnaıy ádistememen iske asyratyn bolady. Sheteldik tájirıbelerdiń zertteýleri de osy ádistemeniń mańyzdylyǵyn kórsetip otyr», - dedi vedomstvo basshysy.

Sondaı-aq, ol balabaqshalardyń sapasyn qamtamasyz etý úshin olarǵa degen talaptar kúsheıtiletin atady.

«ıAǵnı materıaldyq-tehnıkalyq baza, beınebaqylaý júıesi, pedagogterdiń biliktiligi, sanıtarııalyq, órtke qarsy normalarǵa sáıkestigi, osynyń bári memlekettik tapsyrysty berýdiń basty talaptary bolady. Sonyń ishinde jekemenshik balabaqshalardan da balalarǵa qolaıly jaǵdaı jasaý talap etiledi.

Úshinshiden, balabaqshalardaǵy oryndardy bólý kezindegi ashyqtyqty qamtamasyz etý úshin, oblystardaǵy elektrondy kezekterdiń bári endi respýblıka boıynsha biryńǵaı bazaǵa enip, biriktiriletin bolady», - dedi Ashat Aımaǵambetov.