Balabaqshalar men kolledjderde jan basyna shaqqandaǵy qarjylandyrý ózgeredi

ASTANA. KAZINFORM — Mektepke deıingi tárbıe men oqytýdy, orta bilim berýdi, sondaı-aq kredıttik oqytý tehnologııasyn eskere otyryp, tehnıkalyq jáne kásiptik, orta bilimnen keıingi bilim berýdi jan basyna shaqqandaǵy normatıvtik qarjylandyrý qaǵıdalaryn bekitý ózgerister engizildi.

— Tehnıkalyq jáne kásiptik, orta bilimnen keıingi bilim berýge jan basyna shaqqandaǵy normatıvtik qarjylandyrý kólemi Bilim jáne ǵylym mınıstriniń 2017 jylǵy 27 qarashadaǵy № 597 buıryǵymen bekitilgen. Mektepke deıingi tárbıe men oqytýdyń, orta bilim berýdiń, sondaı-aq kredıttik oqytý tehnologııasyn eskere otyryp, tehnıkalyq jáne kásiptik, orta bilimnen keıingi bilim berýdi jan basyna shaqqandaǵy normatıvtik qarjylandyrý ádistemesine sáıkes eseptelgen tehnıkalyq jáne kásiptik, orta bilimnen keıingi bilim berýdi qarjylandyrýdyń jan basyna shaqqandaǵy normatıviniń kóleminen tómen emes bolyp aıqyndalady, — delingen buıryq mátininde. 

Al mektepke deıingi tárbıe men oqytýǵa jan basyna shaqqandaǵy normatıvtik qarjylandyrý kólemi ádistemege sáıkes aıqyndalady.

— Jergilikti atqarýshy organdar mektepke deıingi tárbıe men oqytýǵa memlekettik bilim berý tapsyrysyn ornalastyrý kezinde bir tárbıelenýshige jumsalatyn shyǵystardyń ortasha qunyn derbes aıqyndaıdy, — dep jazylǵan qujatta.

Buıryq 2025 jylǵy 17 mamyrda kúshine enedi. 

Eske salsaq, byltyr Oqý-aǵartý mınıstri Ǵanı Beısembaev kolledjderdi qarjylandyrý kózderi ártaraptandyrylýy tıistigin aıtqan edi. 

Sondaı-aq ótken jyly elorda mektepterinde jan basyna shaqqandaǵy qarjylandyrý ózgerýi múmkindigi aıtyldy.