Balabaqshaǵa búldirshinderdi tasıtyn shaǵyn avtobýs bir jasar sábıdi basyp ketti

NUR-SULTAN. QazAqparat – Almaty oblysy Qarasaı aýdany Shamalǵan aýylynda búgin shaǵyn avtobýstyń astynda qalǵan bir jasar sábı kóz jumdy, dep habarlaıdy QazAqparat Polisia.kz saıtyna silteme jasap.

Mıkroavtobýs rólinde búldirshinderdi balabaqshalarǵa tasymaldaýmen aınalysatyn 69 jastaǵy er adam bolǵan.

Anasy úlken ulyn balabaqshaǵa jiberý barysynda sábı shaǵyn avtobýsqa tym jaqyn turǵan. Kólik qozǵalǵanda ol dóńgelekterdiń astyna túsip qalǵan.

Qarasaı aýdanynyń polıtsııa bóliminde QR QK-niń 345-baby 3-bóligi (Abaısyzda adam ólimine ákep soqqan jol qozǵalysy erejelerin buzý) boıynsha qylmystyq is tirkeldi. Qajetti saraptamalar taǵaıyndaldy.

Foto: polisia.kz