Balabaqshaǵa bólinetin qarajat ony tańdaǵan ata-ananyń sanyna baılanysty bolady
Bul jaıynda mınıstr Facebook paraqshasynda jazdy.
Onyń aıtýynsha, memlekettik tapsyrys alatyn balabaqshalarǵa qoıylatyn talaptardy kúsheıtetin buıryq shyqqan.
Endi memlekettik tapsyrys balalarǵa qolaıly jáne qaýipsiz jaǵdaı jasaýǵa baǵyttalǵan jańa erejeler boıynsha ornalastyrylady.
Ashat Aımaǵambetov buıryqtyń negizgi tarmaqtaryna toqtalyp ótti.
1. Memlekettik tapsyrys alǵysy keletin barlyq balabaqshaǵa qosymsha talaptar engizildi.
Onyń ishinde:
- órtke jáne terrorızmge qarsy qaýipsizdikti qamtamasyz etý úshin jaǵdaı jasaý. Sondaı-aq dabyl túımesi men ishki daýystyq eskertý júıesi bolýy qajet.
- mindetti túrde beınekamera ornatý.
- erekshe bilim berý qajettiligi bar balalar úshin arnaıy jaǵdaı jasaý.
- balabaqsha ǵımarattary men úı-jaılarynyń sanıtarlyq normalarǵa sáıkestigi.
- balalarǵa qolaıly pándik damytý ortasyn qalyptastyrý úshin balabaqshalardy qajetti qural-jabdyqtarmen jáne jıhazdarmen jabdyqtaý.
- medıtsınalyq kómek kórsetýmen qamtamasyz etý.
2. Mektepke deıingi uıymdardyń pedagogterine qoıylatyn talaptar kúsheıtildi. Tárbıeshilerdiń balalarmen jumys isteýi úshin tıisti biliktiligi jáne/nemese bilimi bolýy qajet.
3. Memlekettik tapsyrysty ornalastyrý tetigi ózgertildi. Buryn bilim basqarmalary memlekettik tapsyrysty ornalastyrǵan kezde belgili bir balabaqshaǵa naqty oryn sanyn kórsetse (mysaly, «Balbóbek» - 100, «Erketaı» - 100 oryn), endi barlyq talapqa sáıkes keletin balabaqshalar memlekettik tapsyrys alatyn uıymdardyń jalpy tizbesine engiziledi.
Sodan keıin ata-analardyń ózderi balabaqshaǵa joldama alǵan kezde osy tizimnen naqty balabaqshany tańdaı alady. ıAǵnı qansha ata-ana balabaqshany tańdasa, sol oryndarǵa sáıkes qarjylandyrý balabaqshaǵa túsedi.
4. Memlekettik tapsyrysty alý úshin qujattar sany qysqartyldy. Eger buryn jekemenshik mektepke deıingi uıymdar kóp qujatty usyný qajet bolsa, endi tizim 4 qujatqa deıin qysqartyldy. Qalǵan qujattar aqparat júıelerinen alynady.
5. Elektrondy túbirtekter engiziledi. Bul shara «jalǵan orynǵa» aınalǵan táýekelderdi azaıtýǵa kómektesedi. ıAǵnı mektepke deıingi uıym qarjylandyrý alyp, biraq balalardyń málimdelgen sany sáıkes kelmegen jaǵdaıda.
6. Endi bilim basqarmalaryna memlekettik tapsyrysty ornalastyrý tizbesine engizý týraly sheshim qabyldaǵanǵa deıin balabaqshalardyń jumysymen, jaǵdaıymen tanysý quqyǵy berildi. Sondaı-aq sybaılas jemqorlyq táýekelderiniń aldyn alý maqsatynda mundaı monıtorıng mindetti túrde balabaqshalar qaýymdastyǵy ókilderiniń qatysýymen júrgizilýi kerek.
7. Rásimniń ashyqtyǵy úshin ótinimder men barlyq qujatty komıssııa mindetti túrde beıne jáne aýdıojazbamen qaraıdy.
«Sonymen birge memlekettik tapsyrysty alý úshin berilgen ótinimder men qujattardy endi bilim bólimi saıtqa ornalastyrýy tıis. Qoǵam usynylǵan qujattardy kóre alýy úshin jáne sonyń negizinde osy mektepke deıingi uıymdar memlekettik tapsyrys alýshylar tizimine engizilgen. Bul shara sybaılas jemqorlyq táýekelderin azaıtyp, memlekettik tapsyrysty ornalastyrýdyń ashyqtyǵyn qamtamasyz etýi kerek» deıdi mınıstr.
