Balabaqshadaǵy ýlaný oqıǵasy: Meńgerýshi men medbıke qyzmetinen bosatyldy
ASTANA. QazAqparat - Elordadaǵy №36 «Balapan» baqshasynyń meńgerýshisi uıymda sanıtarlyq erejeler men talaptardy saqtamaǵany úshin qyzmetinen qýyldy, dep habarlaıdy QazAqparat.
Astana qalalyq bilim basqarmasynyń málimetinshe, búgin Qoǵamdyq densaýlyq qorǵaý departamenti saraptamasynyń aldyn ala nátıjeleri jarııa etilgen. Saraptama sanıtarlyq erejeler men normalardyń buzylý faktileriniń oryn alǵandyǵyn, sonyń saldarynan balalar men mekeme qyzmetkerleriniń densaýlyǵyna zııa kelgenin anyqtaǵan.
«Tús aýa tártiptik komıssııanyń otyrysy ótip, onda №36 «Balapan» balabaqshasynyń meńgerýshisi men medıtsınalyq bıkesin laýazymynan bosatý týraly sheshim qabyldandy. Biz qaladaǵy barlyq jumys istep turǵan mektepke deıingi uıymdarǵa ınspektsııa júrgizý úshin jumys tobyn qurdyq. Osyndaı jaıttar anyqtalatyn bolsa, qatań sharalar qoldanatyn bolamyz. Bul óte baıypty másele. Balalar qalaı bolǵanda da basshylyqtyń nemquraılyǵynan zardap shegýi tıis emes», - dedi Astana qalalyq bilim basqarmasynyń basshysy Ánýar Janǵozın.
Vedomstvo aqparatyna qaraǵanda, №36 balabaqshada epıdemıologııalyq tekserý sharalary júrgizip jatyr. Qazirgi ýaqytta balabaqshada anyqtalǵan kemshilikterdi joıý sharalardy qabyldanýda.
Aıta keteıik, 7 aqpan kúni atalǵan balabaqshadaǵy joǵary toptyń toǵyz balasy qusyp, olardan dıareıa men temperatýranyń bary anyqtalǵan. Sonymen birge, balabaqshanyń tárbıeleýshisi de aýyryp qalǵan.
