Balabaqshadaǵy sapa men mazmun máselesin nazarǵa alamyz - Ashat Aımaǵambetov

NUR-SULTAN. QazAqparat – Balabaqshadaǵy sapa men mazmun máselesine erekshe mán beriledi. Bul týraly «Bilim jáne ǵylym – eldiń turaqty damýynyń kepili» taqyrybyndaǵy pedagogterdiń Respýblıkalyq tamyz konferentsııasynyń plenarlyq sessııasynda QR Bilim jáne ǵylym mınıstri Ashat Aımaǵambetov málim etti, dep habarlaıdy QazAqparat tilshisi.

«Balalardy erte damytý máseleleri biz úshin erekshe mańyzǵa ıe. Biz kóbinese sandyq kórsetkishterge mán berip, balalardy qamtýǵa kóńil bólip, al sapa men mazmun baǵytyna tıisti deńgeıde nazar aýdarýǵa múmkindik bolǵan emes. 3 jastan 6 jasqa deıingi balalardy mektepke deıingi bilimmen qamtý 2021 jyly 98,1%-ǵa jetkennen keıin, sapa men mazmun máselesine nazar aýdarý kerek dep oılamyn», - dedi mınıstr.

Onyń aıtýynsha, jańa oqý jylynan bastap Memleket basshysynyń tapsyrmasy boıynsha balabaqshalarda mektepke deıingi bilim berýdiń jańa modelin engizý bastalady. Bul úshin Memlekettik standartqa ózgerister engiziledi jáne «oıyn arqyly oqytý» qaǵıdaty negizinde Úlgilik oqý baǵdarlamalary qaıta qaralady.

Sonymen qatar, jekemenshik balabaqshalardy damytýdy yntalandyrý vaýcherlik tetikti engizý jolymen jalǵasatyn bolady.