Balabaqshadaǵy oryndardy zańsyz taratqan bilim bóliminiń basshysy jazalandy
QOSTANAI. QazAqparat - Rýdnyı qalasynyń prokýratýrasy balabaqshada oryn bólý tártibin saqtamaý jáne olardy zańsyz bólý faktilerin anyqtady, dep habarlaıdy QazAqparat tilshisi.
«Prokýrorlyq qadaǵalaý aktisin qaraý qorytyndysy boıynsha, mektepke deıingi mekemelerge, kórý jáne sóıleý kemistigi bar balalarǵa arnalǵan mamandandyrylǵan toptarǵa zańsyz kelgen 16 bala balabaqshadan shyǵarylyp, kezek tártibi qalpyna keltirildi», - delingen qala prokýratýrasy baspasóz qyzmetiniń habarlamasynda.
Bilim bóliminiń uıǵarymymen balabaqshadaǵy kezegi buzylǵan 8 balaǵa joldama berildi.
Nátıjesinde osyndaı zańsyz áreketteri úshin Rýdnyı qalasy ákimdigi bilim bóliminiń basshysy jazalandy. Ol «Memlekettik qyzmet týraly» Zańnyń normalaryna sáıkes tártiptik jaýapkershilikke tartyldy.
Vedomstvoda málim etkendeı, balalardy balabaqshaǵa kezekke qoıý jáne qabyldaý úshin ótinishti elektrondy túrde berýge bolady.
