18:36, 30 Qańtar 2025 | GMT +5
Balabaqshada tóbelesken astanalyq eki áıeldiń isin polıtsııa qarap jatyr
ASTANA. KAZINFORM – Áleýmettik jelide eki áıeldiń tóbelesken vıdeosy tarady. Oqıǵanyń mán-jaıyn elorda polıtsııasynyń baspasóz qyzmetinen suraǵan edik.

Jelidegi jazbaǵa qaraǵanda, tóbeles balabaqshada eki áıeldiń kıkiljińinen týyndaǵan.
- Janjal shyǵarǵan taraptar polıtsııaǵa dene jaraqaty týraly aryz berdi. Atalǵan fakti boıynsha tekserý júrip jatyr, - delingen habarlamada.
Sondaı-aq elorda polıtsııasynan tekserýdiń nátıjesi boıynsha sheshim qabyldanatyny aıtyldy.
Buǵan deıin Atyraýda meıramhanada memlekettik qyzmetkerlerdiń tóbeleskeni týraly habarlaǵan edik. Atalǵan jaıt boıynsha qylmystyq is qozǵaldy.
Sondaı-aq jańa jyl túni Almatyda tóbeles bolyp, polıtsııa buzaqylyq baby boıynsha is qozǵady.