Balabaqshada taıaq jegen bala oqıǵasy: Meńgerýshi jumystan shyǵaryldy
ALMATY. QazAqparat - Almatyda balalarǵa qol kótergen №37balabaqsha meńgerýshisi jumystan shyǵaryldy. Bul týraly QazAqparat tilshisi qalalyq bilim basqarmasyna silteme jasap habarlaıdy.
«Bilim basqarmasynyń 4 mamyrdaǵy buıryǵymen №37 balabaqshadaǵy oqıǵaǵa baılanysty atalǵan mekemeniń meńgerýshisi qyzmetinen bosatyldy»- dedi basqarmadan.
Eske salsaq, bul oqıǵa 2 mamyrda kishi balalar tobynda bolǵan. №37 balabaqshanyń tárbıeshisi pedagogıkalyq tárbıege jat qylyq kórsetken. Anasy balasynyń kógergen betin kórip, 3 mamyrda balabaqsha meńgerýshisine shaǵym aıtqan. Balabaqsha meńgerýshisi men anasy ishki kamera jazbalaryn qarap shyqqan. Kadrlardyń birinen tárbıeshiniń qol kótergeni anyqtalǵan.
