Balabaqshada tárbıeshiniń júktemesin azaıtý jospary iske asyrylmaq

NUR-SULTAN. QazAqparat – Búgin pedagogterdiń respýblıkalyq tamyz konferentsııasynda Oqý-aǵartý mınıstri Ashat Aımaǵambetov balabaqshalarda pedagogterdiń júktemesin azaıtý jospary týraly aıtty, dep habarlaıdy QazAqparat tilshisi.

«Qazir bizdiń aldymyzda mektepke deıin bilim berý uıymdarynda pedagogterdiń jalaqysyn kóterý maqsaty tur. Sondyqtan biz birneshe qanatqaqty jobany júrgizip jatyrmyz. Bir topqa eki tárbıeshi jiberiletin bolady. Bul óz kezeginde birneshe mindetti sheshedi. Birinshiden, bizde toptaǵy bir tárbıeshige shamamen 25 baladan keledi. Sheteldik tájirıbege qarasaq, olarda 12-15 bala qamtylady. Sondyqtan bizdegi qanatqaqty joba aıasynda eki tárbıeshi kúni boıy bir topta jumys istese, bir tárbıeshi 12-13 balany qamtı alady. Bul turǵyda olar balalarǵa kóp kóńil bólip, pedagogke túsetin júkteme azaıady», - dedi A. Aımaǵambetov

Sonymen qatar mınıstr olardyń jalaqysyn eki ese ósirý eskerilgenin aıtty.

«Bul qanatqaqty joba óziniń tıimdiligin kórsetip jatyr. Osy jumysty jańa oqý jylynda júrgizetin bolamyz», - dediń vedomstvo basshysy.

Budan buryn habarlanǵandaı, Qazaqstanda Bilim berý uıymdaryndaǵy birtutas tárbıe berý tujyrymdamasy ázirlenedi.