Sábıdi basynan urǵan túrkistandyq tárbıeshige qatysty qylmystyq is qozǵaldy
Balabaqshada balany basynan urǵan túrkistandyq tárbıeshige qatysty qylmystyq is qozǵaldy, dep habarlaıdy QazAqparat tilshisi.
Oqıǵa Keles aýdanynda boldy. Áleýmettik jelide taraǵan vıdeoda tárbıeshiniń balalardy basynan urǵan sátin anyq kórýge bolady. Atalǵan jaǵdaı boıynsha pikir bildirgen Túrkistan oblystyq bilim basqarmasynyń baspasóz qyzmeti tárbıeshi jumystan bosatylǵanyn jáne oǵan qatysty qylmystyq is qozǵalyp jatqanyn habarlady.
«Keles aýdanyndaǵy «Aqmarjan» bóbekjaı balabaqshasynyń tárbıeshisi tarapynan tárbıelenýshi búldirshinge kúsh qoldanylǵany beınekamera arqyly anyqtaldy. Qazirgi tańda tárbıeshi jumystan bosatyldy. Balanyń anasy polıtsııa bólimine jazǵan aryzy negizinde qylmystyq is qozǵalýda»-delingen basqarma tarapynan usynylǵan aqparatta.
Aıta keteıik, budan aldyn Keles aýdanynda sabaqtan shyqqan 11 synyp oqýshylary tóbelesip, birin biri aıaýsyz tepkenin jazǵan bolatynbyz.
