Balabaqsha, túzetý ortalyqtary sııaqty mekemelerge qatysty aryz-shaǵym kóptep túsýde - Bala quqyqtary jónindegi ýákil
Bala quqyqtary jónindegi ýákildiń aıtýynsha, maýsym aıynan beri balalar lagerleriniń kúıine qatysty aryzdar kóp túsken.
«Almaty mańyndaǵy «Arman dala» lagerine qatysty. Keshe túste bilim basqarmasynyń qyzmetkerleri lagerge jolǵa shyqty. Uıymmen jasalǵan kelisim-shart buzylatyn boldy. Lager ıesine tıisti sharalar qabyldanady. Budan bólek, ýákiletti tulǵalardy jaýapkershilikke tartatyn tekseris júrgiziletin bolady. Túrkistan oblysynyń keıbir lagerlerindegi jaǵdaı da buǵan uqsas, ótken aıda birnesheýin aralap kórgen edim. Áriptesterim Túrkistan oblysyndaǵy jáne Qyzylorda oblysyndaǵy Bala quqyqtary jónindegi ýákilder Gúljan Verotskaıa men Japyraq Uzaqbaeva da oblystarynyń lagerlerin aralap shyqty», - dep jazady Dınar Zákıeva.
Onyń sózinshe, Qazaqstanda 120 memlekettik, 98 jeke menshik, 900 shatyrly jáne 9,5 myń mektep janyndaǵy lager qyzmet kórsetedi.
«Qazir lager ashý úshin SES pen TJD-nen ruqsat qaǵazyn alý qajet. Jaǵdaılary sumdyq, ári talaptarǵa saı kelmeıtin bundaı jeke menshik uıymdardyń olardan qalaısha ruqsat ala alǵany kúmán týdyrady. Aldy ma? Óıtkeni, anyqtalǵandaı, SES-tiń ruqsat qaǵazynsyz jumys istep jatqan lagerler de bar. Tıisinshe, suraq konkýrs ótkizý rásimine qatysty. Bul úshin jaýapkershilikke tartý qajet dep sanaımyn, tıisti suraý saldym. Sonymen qatar, buǵan deıin aıtqanymdaı, bul – júıeli másele», - dedi ol.
Dınara Zákıeva búginde balalarǵa arnalǵan uıymdar jumysynyń biryńǵaı standart-talaptary, olardy zańnamalyq turǵydan retteý joq ekenin aıtty. Sebebi, tekseriske moratorıı jarııalanǵan.
«Balabaqshalarǵa, damytý, túzetý ortalyqtary sııaqty túrli mekemege qatysty aryz, shaǵymdar kóp túsip jatyr. Osy máseleni sheshý maqsatynda qazir biz memlekettik organdarmen pysyqtap jatqan normalardyń ishinde moratorııdi alyp tastaý týraly, qyzmet kórsetýge ruqsat berýdi retteý týraly jáne balalarǵa arnalǵan bardyq mekemege biryńǵaı standarttar men erejeler engizý týraly norma bar. Bul usynystardy kúzde Parlamentke jibermekpiz.
Máseleni ShEShÝ ÚShІN qazir biz memlekettik organdarmen pysyqtap jatqan normalardyń arasynda kelesilerdi qarastyrdyq:
- tekserýge MORATORIIDІ alyp tastaý;
- balalarǵa qyzmet kórsetetin barlyq uıymdar úshin LITsENZIıALAÝDY engizý. Biryńǵaı talaptar, erejeler, standarttar qajet. Árıne, bul rette ashyqtyq mehanızmderin qarastyrý mańyzdy. Atalmysh sharalardyń qajettiligi óte ótkir tur», - dep jazdy jelide QR Bala quqyqtary jónindegi ýákil Dınara Zákıeva.
Eske salaıyq, Almatylyq oqýshylardy demalysqa jazǵy lagerge emes, saýnaǵa jiberilgen edi https://kaz.inform.kz/news/almaty-bilim-baskarmasy-okushylardy-zhazgy-lager-din-ornyna-saunaga-zhibergen_a4090530
Osy oqıǵadan soń Almaty prokýratýrasy saýna ǵımaratynda balalar lagerin uıymdastyrý isi boıynsha tergeý bastady
