Balabaqsha tárbıeshisiniń týberkýlezge shaldyqqany rastaldy
KÓKShETAÝ. QazAqparat - Aqmola oblysynyń Shortandy aýdanynda balabaqsha tárbıeshisiniń týberkýlezge shaldyqqany rastaldy, dep habarlaıdy QazAqparat tilshisi óńirdiń ishki saıasat basqarmasyna silteme jasap.
«Balabaqsha qyzmetkeri aqpan aıynan bastap ədisker jəne tómengi topta tárbıeshi bolyp jumys istedi. Qyrkúıektiń 19-da daýysy qarlyǵyp, óńeshi aýyrǵanyn aıtqan. Sol kúnnen beri ol aýrýhanada jatty. Keıin 24 qyrkúıek kúni jumysqa shyqty. Sol kúni jótelip, keýdesi qysty. Tərbıeshiniń jaǵdaıyn kórgen balabaqsha meńgerýshisi men medıtsınalyq qyzmetkeri ony jumysqa jibermedi» delingen habarlamada.
Vedomstvonyń məlimetinshe, tərbıeshi jumystan bosatylyp, aýdandyq aýrýhanaǵa emdelýge jiberildi. Onda dərigerler rentgenografııa jasap, qos ókpesiniń ınfıltratıvti týberkýlezge shaldyqqanyn anyqtady.
«Naýqas sońǵy ret 15 maýsymda flıýorografııalyq zertteýden ótken. Ol kezde densaýlyǵynda kinərət bolǵan joq. Aýdandyq qoǵamdyq densaýlyqty qorǵaý basqarmasy jedel túrde zertteý júrgizip, naýqaspen baılanysta bolǵan adamdardy anyqtady jəne qaıtadan flıýorografııalyq zertteýden ótkizdi. Olardyń arasynda atalmysh dertke shaldyqqandar bolǵan joq» -, dep túsindirdi vedomstvodan.
Oǵan qosa, naýqastyń úıi men balabaqshada dezınfektsııa júrgizildi. Bul oqıǵa týraly jergilikti atqarýshy organ men prokýratýra aqparattandyryldy.
Dərigerler týberkýlınodıagnostıka jəne dıaskıntesta ekspress-ədisin qoldaný arqyly balabaqshadaǵy balalardy zerttedi. Onyń nátıjesi 2 kúnnen keıin belgili bolady. Búldirshinderdiń eshqaısysynda atalmysh derttiń belgileri baıqalmady. Epıdemııaǵa qarsy keshendi sharalar jalǵasýda. Baılanysty bolǵan adamdar baqylaýǵa alyndy.
